Úr hvaða viði eru kraftsperrur smíðaðar?
Við smíðum kraftsperrurnar úr hágæða barrviði í styrkleikaflokki C24, hefluðum og þurrkuðum samkvæmt tilskildum stöðlum.
Hvað kosta kraftsperrur úr timbri?
Minna en eldhúsinnréttingin þín. Að öllu gríni slepptu þarf að gera sérstaka kostnaðaráætlun fyrir hvert og eitt kraftsperruverkefni eftir að frumhönnun er lokið. Nánari upplýsingar um hvað getur haft áhrif á kostnaðinn er að finna hér.
Er nauðsynlegt að fúaverja timbrið í kraftsperrum?
Við bjóðum ekki upp á það að staðaldri. Þar sem við notum heflað og þurrkað timbur í kraftsperrurnar væri gegndreyping með fúavarnarefnum óþörf. Tæknilega séð myndast aldrei raki úr hefluðu og þurrkuðu timbri í rétt byggðu þaki, en raki er einn helsti orsakavaldur myglu.
Munu kraftsperrurnar bera þakið mitt?
Kraftsperrurnar þola gríðarlegt álag og við sannreynum burðarþolið alltaf með sérhæfðum tölvuútreikningum. Í sumum skandinavískum verkefnum eru kraftsperrurnar okkar hannaðar til að bera allt að 0,3-0,5 m þykkt gras- og jarðvegslag sem endanlega þakklæðningu ásamt nokkurra metra þykku snjólagi. Við finnum því örugglega lausn fyrir húsið þitt.
Hvað gerir kraftsperrur úr timbri betri en járnbenta steinsteypu eða stál?
Kraftsperrur úr timbri eru ódýrari en sperrur úr járnbentri steinsteypu eða málmi. Þær eru einnig léttari, sem þýðir minna álag á veggi og sökkla — og þar sparast aftur. Þær eru fljótari í framleiðslu, einfaldari í uppsetningu og henta vel í tærandi umhverfi (málma þarf að mála). Þær eru ómissandi við útfærslu á fjölbreyttum lausnum í byggingarlist og setja oft sérstakan svip á hönnun loftsins. Fyrir þak einbýlishúss eru kraftsperrur úr timbri hentugasti og ódýrasti kosturinn.
Hvað tekur langan tíma að framleiða kraftsperrur?
Það tekur 1 til 3 daga að framleiða kraftsperrusett fyrir hefðbundið íbúðarhús.
Hvernig á að geyma kraftsperrur sem komnar eru á byggingarstað?
Kraftsperrur frá verksmiðju okkar eru afhentar á byggingarstað tilbúnar til uppsetningar og hífðar beint upp á veggi hússins. Þú þarft því ekkert aukapláss til að geyma þær.
